| |
|
|
| |
 |
OH YEAH.
TI VEGNS EN IL MUSEUM!! |
La
gronda exposiziun «Oh Yeah!» deditgada a la musica pop en Svizra ha
lieu dals 14 settember 2014 fin ils
19 da fanadur 2015 en il Museum für
Kommunikation a Berna!
A questa chaschun tschertga il museum selfies
- realisads da musicists svizzers - davart il tema «Tge è musica pop
svizra per tai?».
Intginas secundas (maximum 30), filmadas cun tes handy, ed il gieu è
fatg, ti pos dir e far tge che ti vuls!
Chargia tes selfy sin tes profil mx3.ch (Tim and Puma Mimi
e
|
|
Solange La Frange
per exempel) e vegn lura en il museum a t’admirar…
pertge sche
tes selfy è vegnì selecziunà, lura survegns ti in’entrada gratuita!
Ils selfies vegnan mussads tranter ils differents videos. Dal reminent…
has ti gia chargià si tes videoclips? Sche betg, lura far immediat! In
pèr slots èn anc libers e cun in video sin tes profil mx3.ch pos ti
daventar part da l’exposiziun. In’entira sala è deditgada exclusiv a la
musica pop svizra, cumpigliond ovras naschidas tranter 1995 e 2014… passa 40 clips vegnan selecziunads per quest scopo!
|
|
|
| |
|
|
| |
|
|
| |
 |
8x15.
TURNA!!!
|
Otg
bands à 15 minutas - quai è la filosofia dad «8x15.», proponì da
radio SRF Virus, cun la finamira da
preschentar serias da concerts cun
differents stils or da tut las regiuns.
Gievgia ils 18 da settember è il
proxim appuntament, al Komplex Klub a Turitg, cun hip-hop
lucernais dals Mimiks (e lur album numer 1
«VodkaZombieRambogang»), cun rap turitgais da Larry F,
cun electronica variada da Wolfman da Turitg, Lipka da
Genevra e Camilla Sparksss dal Tessin, cun rock
versatil da Basilea dals END, cun ils intrigants Puts Marie
da Bienna
|
|
e
l‘intimitad folkina da la Billie Bird da Losanna… 8 excuisitads
en ina unica
saira!
La meglra moda da scuvrir e giudair musica svizra al «8x15.» è
natiralmain live sin plazza. Ils concerts vegnan però er transmess
direct sin SRF Virus a partir da las 20 enfin
mesanotg, e lura preschentads danovamain in’emna pli tard, ils 26 da
settember, sin SRF zwei, a chaschun dal program «musicnight».
La prevendita marscha qua e
tut las infos supplementaras chattas qua!
|
|
|
| |
|
|
| |
|
|
| |
 |
LABEL
SUISSE 2014 |
La
6avla ediziun da Label Suisse - festival gratuit, urban, popular, deditgà entiramain a la musica svizra - ha
lieu dals 19 als 21 da settember a Losanna!
Il festival offrescha in panorama dals megliers suns da noss pajais.
Ina sfilada da stils multicolurads e variads cun rock, pop, folk,
electro, hip-hop, ma er cun classica, chanson, jazz e musica chorala.
Quest onn vegn il Label Suisse a
|
|
preschentar
per l‘emprima giada la
ceremonia da premiaziun dal
Swiss
Music Prize, organisada da l’Uffizi federal da la
cultura ensemen cun Mx3!!
Ina detga festa, cun
86 concerts u projects spezials, 6 salas ed in
palc avert che po cumpigliar 7000 persunas al center da Losanna!
Mx3
è da la partida… ve ans visitar! A prestischem!!
|
|
|
| |
|
|
| |
|
|
| |
 |
OPEN AIR
BERG |
Cun
quatter stailas da la scena svizra, ma er cun in pèr scuvertas,
s‘annunzia a Berg (TG) in‘aventura musicala da tarda stad, ils 12 e 13
da settember.
Gist ordavart Berg sa chatta ina plazza idillica cun magnifica
bellavista panoramica sin las Prealps. Il post ideal per organisar in
bel open air. La plazza da camping è gratuita e giascha gist dasperas.
|
|
Gia la
davosa ediziun aveva fatg detg furore cun nums sco Shakra, Dada Ante
Portas e TinkaBelle, ma ils responsabels per il program da la
Music-Events Berg han auzà anc ina giada ils registers ed han engaschà
Eluveitie, QL,
Florian
Ast e Stefanie Heinzmann, plus ils valerus Baba Shrimps, When They Wake e
Barbie
Sailers, plus ils
victurs dal bandcontest da quest onn!
|
|
|
| |
|
|
| |
|
|
| |
 |
RADIO
SWISS POP ON TOUR
|
Dals 12 als 20 da settember sa preschenta
il Radio
Swiss Pop cun ina turnea da promoziun en tut las regiuns
da la Svizra. Da la partida èn
musicists svizzers cun pitschens showcases. Chaschun per la
turnea è la nova preschentaziun grafica da la marca da Radio
Swiss Pop. Il mez settember lantscha quel numnadamain in
nov logo, ina nova
pagina da web e novs jingles. Il medem vala dal rest er per
Radio Swiss Classic e Radio
Swiss Jazz, ils dus auters chanals puramain musicals da
la SSR.
Qua il panorama da las datas
|
|
(mintgamai
da las 11 a las 19):
Basilea,
Bahnhofplatz SBB, 12 settember
Berna,
Waisenhausplatz, 13 settember
Son Gagl,
Marktplatz, 15 settember
Cuira,
Theaterplatz, 16 settember
Lugano,
Piazza del Mercato, 17 settember
Lucerna,
Bahnhofplatz, 18 settember
Losanna,
Place Europe, 19 settember
Turitg,
Sihlcity, 20 settember
Detagls davart ils artists ed ulteriuras infos sin radioswisspop.ch
|
|
|
| |
|
|
| |
|
|
| |
 |
NUA ÈN LAS LADIES?
|
Helvetiarockt ha in nov vestgì!
Tschertgas ti ina musicista per in project?
Dovras ti in intermezzo musical per tia occurrenza?
Helvetiarockt ta porscha anc bler dapli, basta far in gir sin lur nova
pagina, e sche ti has ins dumonda, scriva simplamain in mail! Promoziun,
support, consultaziun, networking, servetschs e projects en il champ
feminin da jazz, pop e rock, tut quai propona HELVETIAROCKT.
|
|
Per exempel il project recent Female Bandworkshops,
che lantscha quest autun sia segunda ediziun.
Giuvnas musicistas da 15 a 25 onns pon s’inscriver als workshops
emnils che culmineschan en ina seria da concerts e sessiuns da studio.
Musicistas da l‘entira Svizra, as uni! Cun provas, improvisaziuns,
concerts en diesch lieus ed en quatter linguas.
|
|
|
| |
|
|
| |
|
|
| |
 |
ZIKAMART FESTIVAL
|
Il festival Zikamart
stgasa ed ha lieu ils 12 e 13 da settember en la
Belle Usine a Fully.
In lieu legendar, in’anteriura centrala hidro-electrica transfurmada en
in center cultural, che dat in palc prefect per l‘otgavla ediziun dal
festival. Quest nov ambient garantescha in‘acustica anc meglra ch’il
open air, resta però
|
|
tuttina en il conturn da la famusa
Châtagneraie - avund’aria pia per ils amis dal vegl open air.
Duas sairadas sut l’ensaina dad artists internaziunals, ma er
svizzers, sco Anna Aaron, Doppelgänger,
The Animen, The Revox e Switch
Digital TV! Tuns per tut ils gusts damai!
|
|
|
| |
|
|
| |
|
|
| |
|
FEATURED PLAYLISTS
|
Sin Mx3 datti enorm blera musica, per cletg datti
glieud che
selecziuna… qua chattas Ti ina pitschna schelta:
|
|
|
| |
|
|
|
