La chadaina da radio Couleur 3, creada il 1982, è enconuschenta oravant tut en las regiuns da la Svizra romanda. Couleur 3 sa distingua tras ses profil da musica incumparabel, las moderaziuns luccas e divertentas e las contribuziuns davart temas ch’occupan nossa societad.
Couleur 3 emetta surtut musica da rock e pop, en singulas emissiuns però era ina vasta paletta da differents stils da musica, per exempel en «Downtown Boogie», «Republic Kalakuta», «Krakoukass», «La Planète Bleue», «Les Métissages» ubain «Rockspotting». Il program da Couleur 3 consista per passa 78% da musica, passa 20% da quai èn producziuns da musicistas e musicists svizzers.
Couleur 3 s’engascha pli che mai per las valurs dal service public, tracta temas actuals e dumondas che fatschentan ils giuvenils. Emissiuns sco «Tout le monde il est beau», «Que de la radio» ubain «Saperlipopette» preschentan temas relevants per la societad ed eveniments actuals.
Couleur 3 rapporta da tut quai ch’interessa ses auditori: kino, cudeschs, gieus da computer, il Web, l’aura ed auter pli.
En il center dal program da Couleur 3 stat l’auditori, la surpraisa, l’eleganza - u ditg cun auters pleds, las emoziuns.
