Punk isch nöd tot, aber er brucht dringend es update. Drum händ d zürcher:inne Michi, Monique und Azlan 2019 d punkband bodoh gründet.
Sie singed vo züri, devo wie d gentrifizierig genauso scheisse isch wie d gym-bros oder wie dich es fixi und e sunnebrülle vo zalando na lang nöd geil mached.
Für bodoh sind feminismus, antirassismus und antikapitalismus nöd eifach parole, wo sie eimal im jahr am 1. mai uspacket, sondern es persönlichs leitbild fürs läbe – nöd nur i ihrere music, sondern au usserhalb.
Radikal und intersektional isch ihres erklärte ziel, mundart vom bünzlitum z reclaime und de punk sound us de 70er direkt is 21. Jahrhundert z katapultiere.
