Biography
Aues het im Herbst05 agfange. Mir (Lüku, Jöschu,Holz,laura) si di Musikalischiunterhaltig ame Elterebsuechsmorge xi.. Mir hei dert drü lieder gspilt und scho dr erst chli Uftrag übercho. Nachdäm isches übernes Haubsjahr gange u mir hei ke Musig me zämä gmacht. När, im Summer06, isch d Naomi (Bass) derzue gstosse und da mir hei chönne are Vernissage ga spile, heimer z erste Mau verschideni Probewucheänd und e Probewuche gmacht. Mir hei üsi eigete Lieder afa istudiere. Es Haubsjahr Speter isch dr Richi (Saxophon) zu üs gstosse. Es si verschideni chlini Konzärtlis cho: Geburtstagsfest, Hochzyt und am Fusionsfescht z Längebüeu. Spass heimer immer viu gha, aber d Konsequänz zum regumässig Üebe het eigentlech immer bi aune gfäut. Nacheme Haubejahr Pouse heimer im November07 nomau es nöiis Mitglied übercho d Salome (zwöiti Gitarre). Ab denn isch d Post abgange, üsi eigete Lieder hei dr letscht Schliff übercho, da mir när drü Konzärt hei gha. in Wattewil ir Baracca, ame Geburtstagsfescht und z Kaufdorf ade Höfli-Soundnächt. Die Konzärt si immer no i gueter Erinnerig bi üs aune. Momentan si mir wider ire ufbouphase wo scho gli usartet ine fräche sound...