Matina da lüi
(Paolo Tomamichel, suisa 2020)

Matina da lüi, festa da zecki-boy ciócch da benzina,
ma, roba da matt, vardi l’orlòcc: i’è domà i sés da matina,
e tì coi tò pescitt ti fé ghilítiga ai mé;
scià, levi sü, forse l’è mei che ‘dèss a bevi el café.

A sii, l’è düra da gall vegnì ‘n capón:
toca sbassà i al, fàten ‘na rason, asnón.
El temp u riva e u và,
u taca a piöv, làsala büi, damm un basín, in ‘sta matina da lüi.

Matina da lüi, festa da mósch sora i tend dala stanza,
ma fa vegnì matt, i’è scià tücc sora el nas, süla panza.
Fa’ un po’ vedé che bei cavii ti gh’è sü,
a m’ divertísi coi tò, perché mi a ga no pü…

e mi al barbée a ga n’ dò pü da danée,
cos’ ti vöri fà, ma mèti dré a sonà, e sognà,
e canti i mé scemaa;
u taca a piöv, làsala büi, damm un basín, in ‘sta matina da lüi.

Bèla fadìga, i vint ann i’è nai da ‘n tòcch,
cos’ ti vöri fà, ma mèti a caragnà… ma va,
el temp u riva e u va;
u taca a piöv, làsala büi, damm un basín, in ‘sta matina da lüi.