About this Track

• Added on 16 April 2022
• Description

  Songtext:
  Scho pränataldiagnostisch händs geseit:
  Dä Knirps hät Morbus Alzheimer
  Hät scho vergässe, dass er en Termin tuet ha
  A dem er de Uterus sötti verla

  I de Schuel häter nur bestande
  Will er im Abschriibe es Genie isch gsii
  Und beidi Ärm als rezyklierbare Spick
  Voll mit Matheformle und Latschwörtli

  Sini Bibliothek isch nöd chlii, häter alles gläse
  Aber was grad letschti Wuche, channer nöd säge
  Wänn anderi mit Zitate glänzed
  Erfindet er halt neui, wo passe chönnted

  Ich verrat eu jetz das Rezäpt:
  Häsch statt eme Gedächtnis e schwarzes Loch
  Bruchsch halt e blüendi farbigi Fantasie
  Lat di d'Erinnerig im Stich noch und noch
  Muesch nämli permanänt kreativ sii

  So hät er sich als sogenannt Kreative
  duregschummled e ganzes Läbe lang
  S'isch em chuum mal öpper uf d'Schlich cho
  Sin Sonderalz isch em beschtens bicho

  Uswändig hät er natürli nie was chönne
  Tuusig Melodie, aber kän Songtext i de Birre
  Dä Film vo dem äh... mit deräh, weisch ja
  Wo hät gha ähm... dä Politheini zum Ma

  Bim Memory stellt en de drüüjährig Änkel
  Regelmässig sowas vo in Sänkel
  Es Mattschiibe-Dasii ohni Aber und Wänn
  Ächt jetz, wie geil isch das dänn?

• Album ZÜRISCHNURRE
• Year of creation 2021
• Label Johnny Music
• Director Lukas Moser
• Tags bluesrock, zürischnurre, zürichmusic
• 30 plays