Tonaufnahme ca. 1995. Alle Instrumente, alle Gesänge, Text: Pek
Remastered Stereomix mit zusätzlicher Leadgesangsdopplung (für etwas lauteren Gesang) und Video Spätsommer 2022: Pek

Text:
Rückblickend gseh, meint y,
muess si au am Achti bi sich dehei losgange sy,
so schätz i, denn öppe glychzytig bin ich los
für in d Beiz zunere Ovo,
han i s Tram gnoh, so isch die Gschicht in Gang cho.
Nach e paar moll anere Chrüzig blybe stoh no.

I sing jetz d Story mit der Lori.
I kenn se nid lang, erscht vo vori.

Noni so wach fühl i mi no ganz schwach,
won i sy gseh nit so wyt vor mir,
die Frau, so Typ KV, am Finger nuggle,
will sy erscht grad Schoggi,
wo sy bi sich gha hett, yne gschoobe hett.
I glaub i wott mit ir, i wott mit ir ins Bett

Jetz dreit sy sich zum Kiosk um
und chauft sich s Cosmopolitan
I verlier sy us der Sicht, nänäi!
Ich eile, spring, i gspür my Gicht,
und i gibe nid uf, ganz usser Schnuuf,
und i gibe nid uf,
i lauf, i renn, i lauf, i brenn, i lauf, i brenn.
Jetz isch sy mir doch ab, das Ding.

Ich sing jetz d Story mit der Lori.
I kenn se nid lang erscht vo vori.

Villicht sett ich jetz doch nid singe,
und
lieber ire noochespringe.

Das Lied, won i do sing, das ghört elei mir,
drum mach i jetz druus, was i wott.
Und i wott jetz es Happy End,
egal wie schlächt mir stöi im Moment.
Bis zur Wändi vo däm Ändi
sing ich jetz los.

Ich sing jetz d Story mit der Lori.
I kenn se nid lang erscht vo vori.

Villicht sett ich jetz doch nid singe,
und
lieber ire noochespringe.