EL MAR TREIS è la pli veglia gruppa da rock rumantscha, sesenta giu la Bassa: Elmar Deflorin (chant e battaria), Benedetto Vigne (chant e bass) e Thomas Gloor (ghitarra) èn tuts trais pensiunads … ma els restan passiunads giuvens rockadurs che chantan e sunan mo pli per rumantsch, cun in’ureglia vers las muntognas grippusas e l’autra vers ils oceans patgifics – in rock dad ozendi.

Bun trais mais suenter «Saulta cun mei» publitgeschan EL MAR TREIS puspè ina nova single: «Maina pli». Er quella chanzun cunterfa a las reglas classicas da la musica pop, guntgind strofa e refrain. Suenter in’emprima part sombra che lamenta dis trists e pesants erumpa il toc en in lung finale explosiv ch’empermetta ina bella scappada en il tren deliberant. Il videoclip, concepì da ghitarrist Thomas Gloor, illustrescha la melodia cun il viadi d’ina viafier supersvelta che fila tras verdas cuntradas giapunaisas