merci a Adras Music für die Collab! danke ou a Free Quenzy für d Veredelig! und special thanx to prr-edits-so füre Clip --> go check my youtube

überau digitau sit 11.10.2024

Lyrics:
mir teile jo kes Leid
säge eifach: jo, es geit
keine, wo versteit:
mir hei scho, was mer wei

... bi mi am froge für was
mir üs stresse ohni bode und mas
si für Profit e verlognige Aarsch
und niemer seit, dass er doch nid so ma
... aube si Sorge heftig
aber... mir zeige jo ke Schwechi,
sueche Erfoug, wo goht dür d Dechi
so dr Bescht si, uf grosser Flechi
niemer chunnt, wo chasch e Wunsch verlange
aber mir rubble wie Duble a dr Wunderlampe
Umdänke isch es Ungerfange
mängisch füehli mi unverstange

Bärguuf, bärgab: Schiifahre
rütschig wie Iisbahne
chasch nid aues iiplane
aber mit Beats Therapie spaare

2x Hook
mir teile jo kes Leid
säge eifach: jo, es geit
keine, wo versteit:
mir hei scho, was mer wei

wöus irgendwie immer geit
bevor die inneri Stimm verseit
merkt nur e Minderheit, wie
schlimm as steit, sinnbefreit
sötte meh liebe as hate
Aber sis irgendwie am verpeile
das, womer sueche, cha niemer erreiche
Zwiit wäg, erschliesse cha keine
Medizin gäge Fieber verteile
Eini, wo Chrieg und Gier cha verheile
Rouch verzieht sich wie Schleier
Graffiti für Seele: Lieder am spraye

Bärguuf, bärgab: Schiifahre
rütschig wie Iisbahne
chasch nid aues iiplane
aber mit Beats Therapie spaare

2x Hook
mir teile jo kes Leid
säge eifach: jo, es geit
keine, wo versteit:
mir hei scho, was mer wei

was me nid het, das hätt me doch
gärn, wie dr Hans im Schnäggeloch
Boni wie Appleboss, und e Bätzi-Moscht
Sunshine vom Wätterfrosch
de wäre jo aui Rapper Boss
Statt e Hängscht bliibe si Stäckeross
Bechunnsch haut nid diräkt, was wosch
Bliib chill, relaxed und hoff

2x
Bärguuf, bärgab: Schiifahre
rütschig wie Iisbahne
chasch nid aues iiplane
aber mit Beats Therapie spaare