HD
Paolo Tomamichel - Panza piena... - Mx3.ch

Panza piena...

244 Plays
Chanson
18 tracks

Auf

Hinzugefügt am 11 Februar 2018

Album
singolo 2018
Erstellungsjahr
2018
Label
Amanita Production-Paolo Tomamichel

Credits & Dank

Panza piena, gésa vöida

Panza piena, gésa vöida,
panza vöida,gésa piena:
no, a som mia un bigott, a vöri domà dì
che tüta scta cücagna, un quai dì la pò finì.

A som mia négar, a som mia róss,
a som mia vérd e a som mia blö;
som un poro merlüzz un zichinìn stremìd
per tütt chel ch’u sücéd in ‘sto mond da rembambìd.

Temp da guèra sü a Bosc Gürin,
el me’ poro Pà alora l’era ‘n pinìn;
la vigilia da Natal dal ’45
dó patati büìd, e ‘n cervelat rostìd.

Ocio… ma mia ‘n cervelat per ün!
Ocio… a l’era propi domà vün,
taià giò a tochìtt: püssée a g’ neva mia
per vòtt bagái, el Pà, la Mama e ‘na zia.

Amò per quanto temp a podrem nà inanz inscì,
a impienìss i sacocc e pö a fass svöidà el borsìn,
a comprà tütt chel chi ‘g fa vedé e pö dì: «Oh, l’è pö istéss…
al màsim, s’ u ma vanza, a slanzi tütt nel cèss!»

A som mia négar, a som mia róss,
a som mia vérd e a som mia blö;
a som un poro orócch con el cör pien da böcc,
ch’ u cerca chel quaicòss ch’ u ga faga vèrd i öcc.

Trentatrì ann tücc i dì a lavorà;
l’altr’ann in fevràr i m’ha licenzià,
i cagnoni in direzion i ha insci’ risparmià
chi quatar franc chi g’ dava an poro disgrazià.

E i è grass, sempar püsé grass:
grass, tropp tès coi dané nel materazz,
con la panza a tartarüga e la tèsera pe’ l Lac;
tètt növ per Natal, e a Pasqua un cü da ciocolatt.

Ma sì, anca ti ti gh’è rasòn, mia tütt a lé sbaiàd,
e che l’economia anca lé la dév girà,
ma chì, a ma par che semm dré a esageraa:
varda chì la roba che ma riva da pagaa.

A som quasi stüff,a vöri pü nagótt,
a vò al Monte Verità, a vò sü a faa el balabiótt,
a töghi sü i mé strasc, a fò sü un bèl fagòtt;
tégnat chesto mond tant l’è tüt un rebelòtt.

Scoltém el Legnamée, sì propi lüü,
mia chei chi g’ cióla e i ga ciapa p’ al cü:
vörüm pü el Signor, ma doman po’ vèss el dì
che Chela con la ranza la vegn a tö anca ti.

Panza piena, gésa vöida,
panza vöida,gésa piena:
no, a som mia un bigott, a vöri domà dì
che tüta scta cücagna, un quai dì la pò finì.

244 Plays