HD
Paolo Tomamichel - El Bambin2.0 - Mx3.ch

El Bambin2.0

705 plays
Pop
22 tracks

Added on 11 June 2019

Album
-
Year of creation
2019
Label
Amanita Production
Tags
musica, janika tomamichel, consuelo garbani, amalia felice, paolo tomamichel, sandra eberle, voce, oud, bouzuki, liuto, valle maggia, bosco gurin, svizzera, ticino, dialetto, cantautore

Credits and thanks

Paolo Tomamichel-voce,bouzuki,liuto rinascimentale,Oud,percussioni
Janika tomamichel,Sandra Eberle,Consuelo Garbani,Amalia Felice -cori e voci

El Bambin 2.0 (Paolo Tomamichel- suisa 2019)

L’e’ n’quai di che sora al laag quand' che vegn la sera
i sa veed di ciaar coloraa che quasi i paar mia vera
radio e television i diis nagot,…per intaant ammo’
ma online e sü la mé chat quaicoss u taca a giraa...

Un grand moviment da machin e Suv gross come na’ ca’
‘na sfilza da gent la taca a rivaa, da chi e da la’
un visigheri n’gran casoteri ,tücch is domanda:-Cos’le’ che süceed?-
L’é n’ bél miscteri un gran miscteri e ‘na banda la taca a sonaa…

Ciami i me’ soci e la morosa col mé telefonin
-Ti tin sé quaicoss?…Mi an so’ da nogota,prova a ciamaa el 117!-
L’uscier u ma diis:-Chel staga quiet,ch’u gabia mia pagüra…
em gia’ cataa forse chel che lé stai e lé gia’ chi in Pretura!

Ma riva n’mesagg con scritt…Sü coragg,pensem a ‘na roba bèla…
anca perche’ pare che un giovinott sü nel ciel la vedü ‘na sctela…
Per aria un profum da caraméll e da rosctii…Nemm a vedee a ghe’ ‘na fescta?
Una fake news con la foto d’un pinin con ‘na corona sü la testa!

Ossequiosamente,reverentemente a cori a ca’ dal prevat
se le’ chel che pensi propi chel che senti,lü un savra’ quaicoss,
Um vérd la porta,u ma varda ni occh e dopo vemm scoltaa:
-Brutt ignoraant,un pinin incoronaa…dümila ann fa’ le’ gia’ rivaa!!!

A vardi el Wikipedia…oh che béla sctoria,al savevi gnanca!
O imparaa quaicoos da nöf dal computer chi da la mö stanza
e déss scolta ben chel che at cünti sü…Cito fa’ mia fera!
Ma som inviaa anca mi in procesion nela mistica atmosfera…

Nell’estasi religiosa pöö ma parü da vedee anche un asan en böö…
Ohhhhhhhhh….
-Dimm mia che ti visct anca trii sctrioni con sü n’turbant e in giola an camell
Magari sü la paia n’pinin con la mam el pa’…al saresa sctai tropp béll!-

Visto ed appurato che su sto mondo un Signore e’ già’ nasciuto
qualcosa di altrettanto importante e’ avvenuto,non sono mica gnuco!
E l’é adess ch’u vegn al béll,senta un po’ che sorpresa
tücc a sem desedaa da sto sogn, con ni man un caréll da fa la spesa!

Cos’le’ che vedi ohibò’! Avresa preferii ‘na sctala…
domma’ n’architett mia tant in squadra u la podü pensala
un gran garbüi da fér e da cement,con le porte di vetro
-Se con carta e contanti tu vieni a trovarci di sicuro in mutande torni indietro!-

E sora n’palchett fai sü ala bona coi palétt da la ferovia
i sona di mé soci taglian da Vares che pero’ i canta in ingles
E sull’ampia tribuna adornata di fiori il Sindaco ulula trionfale:
-E’ nato e’ nato e’ nato per noi,ecco a voi il nuovo Centro commerciale…!!!

Un nuovo centro commerciale…
Oh che béll,propi béll,u ga nava,ga mancava
Oh che grand,propi grand,i ta péla,fö i müdaand…

….: Il Bambino Gesü ha smarrito i suoi fedeli,rivogersi all’Info point per favore!-

705 plays