Hammond Weber und Pek, Vocals / Heinz Saurer, Trompete / Pek, restliche Instrumente.

Text:
Ob der Studeweid (Text und Musik: Peter Krattiger)

Lueg wieder emoll übers Elsass yne
ob der Studeweid.
Bisch doch früecher immer öppe dört go träume -
Träum wo spöter Würklichkeit

D'Bäum hei fründlich grüesset
der Grund dämpft jede Schritt.
D'Erde hett bestätigt,
dass' my würklich git;

Lueg wieder emoll übers Elsass yne
ob der Studeweid.
Bisch doch früecher immer öppe dört go träume -
Träum wo spöter Würklichkeit.

Mit de Götter ha my troffe.
i wett se wider gseh.
i ha noni alles vonnene gnoh,
wo si mir gern wei geh.

Der Muse, wo my knutscht hett,
han i versproche, wider z'cho.
Johre sy vergange.
Duet sy's ächt verstooh?

Lueg wieder emoll übers Elsass yne
ob der Studeweid.
Bisch doch früecher immer öppe dört go träume -
Träum wo spöter Würklichkeit.

wie wyter my Blick über d'Hügel schweift,
wie nöcher bin ich a mym Herz.
dänk i denn a di derby,
gspür ich e fyne Schmerz.

Lueg wieder emoll übers Elsass yne
ob der Studeweid.
Bisch doch früecher immer öppe dört go träume -
Träum wo spöter Würklichkeit.