Sandra Eberle-violino
Consuelo Garbani-percussione
Amalia Felice-flauto
Paolo Tomamichel-voce,chitarra

San Ròcch 
(Paolo Tomamichel, novembre 2020)

Chi che l’è ch’è dré a sonà? I gent i dörm, i è tücc in cá...
gnanca el vent püssée rabiòs i campan u pò fa dondà.
Sc’véiat sc’véiat, cara Mama, cór da bass, ciama el Papà,
sü la porta dala gésa, gh’è là ‘n can tütt strepenà!

Va’ là Pà, va’ a dagh ‘n ögiada, la Nona l’è tüta stremìda,
fàgal tì chesto piasée, sü da prèssa, va là a vedé.
«Cos’ ti fé cagnìn balòss, dent in gésa a maià ‘n òss?»
«Ma che òss! Tóca con man, chesto chì l’è un tocch da pan.»

«Ma indo’ l’è el tò padron? Cosa l’è tütt ‘sto bacán?
Tì e chel’óm dovì spiegamm perché mai i sona i campan.»
«Som rivà scià daparmì, ma pö un Angel al Signor
 la mandà in ‘sto paés a tirà i campan di gés!»

«Sì l’é véra, som domá ‘n can, ma anca mì g’ho vü missiòn
 da portà ‘sto tocch da pan a lü ch’u g’avrà tanta fam…
 lü l’ha caminà la Francia fin a Roma, e amó fin chì,
 a ‘iutai a guarì la peste o a ‘iutai domá a morì.»

«Vegn con mì senza pagüra, varda e créd, fa mia el lifròcch.
Varda chì chi l’è rivad , l’è tornat a cá el San Ròcch!
Vegn con mì senza pagüra, varda e créd, fa mia l’oròcch.
L’è ‘n miracol mia da pòch, l’è tornat a cá el San Ròcch!»