I wache langsam uf, weiss nid rächt won ig itz bi
I mim Chopf wohnt e Maa und dä hämmeret wie gstört
Hopp uf d’Bei sägi mir, a die früschi Luft muesch gha
Hose ufe, Jagge zue, Türe uf

Da schtahni itze ume mits im Lorraine Quartier
Dr Talweg isch so steil, i schnuufe wienes Ross
Chum bini d’obe chunnt dr Boris mit de Ching mir entgäge
Är isch e liebe Typ u tuet wie wenn nüt wär

Einisch meh gsehni wieder so scheisse us
I mache d’Nacht zum Tag, rueimi chum me us
Einisch meh gsehni wieder so scheisse us
I hautes fasch nüm us, die Stadt die frisst mi uf

Am Serini sini Garage isch Gschicht, dert wohnsch tüür
I bruche öppis z’Ässe zur Beruhgig vo mim Buuch
Und o s’Migros isch nüm da wo’s für langi Zit isch gsi
Es geit bachab wiu aui schmöcke s’Gäud

I dräie um und loufe Richtig Jurastrass dürab
S’aute Büro vom Beatman isch es Airbnb
Witer unge wird no gfiiret, gschlafe hei die nid
Ig doch scho, wieso geit’s mir so schlächt