Text:
S giit ja viili wo mit Rap aföh zum Fame werdä
Si wei mit Räp eh Lebensstyl erreiche mit tüüre Autos, viune Party, Droge u viune schöne Froue.
Wei zwar als Ghettoching und G berühmt werdä aber gliichzytig wei si oh dr nöie High Socety It-Boy si.
Mache eine uf dicki Hose u hei meistens nüt wo d Hose würd dick mache.
Aber so bi ig nid. Drum: Wieso ha ig eich mit Rap afgange?

I bi cho, zum bliibe
I bi cho zum mini Gschicht schriibe
I bi cho zum schaffe ws i ertröimt ha
I bi cho zum mache ah was i Fröid ha
Ig la mi nid vo Verchofprognose la stoope
Wott i Härze ni ih Charts on the top si
Muess mini Songs nid vor tuusig Lüüt ufführe
Sondern i möcht mine Text Lüüt berühre

Ou we sech dr kommerziell Erfoug nid isteut
Lohnts sechs, s geit nur um mi Istellig
S geit nid um Gäud nei s geit um Tröim
U i tröime, Mönsche hei a mire Musig fröid
I ha dä Troum u wirde nid ufhöre dran ds boue
Bi no am Afang, i ha dr Wiue u dr Gloube
Ds i cha Läbe verändere mit mini Ziile
I wott i dim Ohr u i dim Härz bliibe

U weisch ws? i wirde ds erreiche
I steue hüt für morn di richtige Weiche
Ig lah mi nid vo de fautsche Ziu lah leite
Bringe Räps u Träcks wo dr nid verleide
Bringe Texte mit Sinn u Musig mit Flow
E Teu findets nice u angeri säge: „Na toll“
Doch mir geits nid drum bi jedem beliebt ds si
Mir geits oh um mi, räppe isch mini Therapie

Ha scho mängi schwyrigi Zyt mit Räp überwunde
Ha scho i mine Texte Hiuf u Zueflucht gfunde
Ja mir geits drum töifsinnig ds si u ds hingerfrage
Uf e Battle Track vo mir chasch ewig warte
Mini Musig isch töif, si isch dr Spigu vo mire Seele
Melancholisch, mängisch apathisch, mängisch tief wi See
Aber immer mit ere Message wo i verträte cha
Ig wott die Art Rapmusig etabliere u wirde niemeh gah

I bi cho, zum bliibe
I bi cho zum mini Gschicht schriibe
I bi cho zum schaffe ws i ertröimt ha
I bi cho zum mache ah was i Fröid ha
Ig la mi nid vo Verchofprognose la stoope
Wott i Härze ni ih Charts on the top si
Muess mini Songs nid vor tuusig Lüüt ufführe
Sondern i möcht mine Text Lüüt berühre

Vermutlich lande ig nie e Nummer 1 Hit
Ds isch ke hohle Party Track u oh ke Gangster-Shit
I erkämpfe mir mit mire Art Musig mi Platz i däm Game
Doch mini Beweggründ si nid Gäud und Fame
Klar isch me stouz, wird ds eigetre Wärk e Erfoug
Doch i weiss nid aues ws glänzt isch us Goud
Doch d Frag isch u bliibt wofür räppi überhoupt
I räppe wi gseit nid für kommerziell Erfoug

Ig räppe für Lüüt, ig wott Einsami erreiche
Mini Texte söue Härze erweiche
Mini Musig spricht dr Kern vom Mönsch ah, nid nume d Hülle
Doch ig ha mini Ziu scho erreicht, we sech fougendi Ziile erfülle
Lueg i 10 Jahr ghöri wyder dä Beat
U ih erinner mi, s isch e gueti Zyt gsi
Isch zwar villech nid aues so cho wi i plant ha
Abr i luege gärn zrügg uf mi Afang

I bi cho, zum bliibe
I bi cho zum mini Gschicht schriibe
I bi cho zum schaffe ws i ertröimt ha
I bi cho zum mache ah was i Fröid ha
Ig la mi nid vo Verchofprognose la stoope
Wott i Härze ni ih Charts on the top si
Muess mini Songs nid vor tuusig Lüüt ufführe
Sondern i möcht mine Text Lüüt berühre