Text:
Hey Lisa
I ha dr scho lang öpis ds säge.
Abr i ha mi irgendwie ni drfür cha.
Abr itz isch d Zyt.
Auso bitte los mer zu, nume es paar Minute.
Merci

Lerä kenne hani di vor es paar Jahr
Mir si no jung u dumm gsi aber scho da
Hani gmerkt ds du öpis bsunrigs bisch
Ig ha gmerkt wi mis Härz hungrig isch
Nach dir, ds muessi nid erkläre, ds cha i oh nid
Denn es isch e guety Zyt, u es guets Gfüeh gsi
Leider het sech zersch drus nüt ergäh
Aber irgendiwe hani ds nid wöue, ds Nüet annäh

Es het sech e guti Fründschaft entwickelt
Es het Stritt gäh, doch si het bis itze
Doch d Situation im Momänt isch komisch
I weiss gar nid, isch bi dir aues i Ornig
Ke Ahnig ws du im Momänt gad füehsch
Es isch schwierig doch i ha ds Gfüeh
Es liegt itze a mir dr nächst Schritt ds mache
Schluss mit dene haubwahre haube Sache

Ganz ehrlich, i schreis dir itze it`s Gsicht
I gloube ds du mini Liebi bisch
Und i wott di annäh u liebe
Mit au dine Fähler grosse u chlyne
Doch o mit au dini gueti Sitte
U klar, mir wärde üs no mängisch stritte
Ig cha nid verspräche, ds i ni wirde gah
Cha nume säge stoh immer wyder da

Immer wyder, egau was si wird
Villech bruch i de aube eifach chly meh Zyt
U du hesch mer gseit, ds du gloubsch
Ih triffe eines Tages die eini Frou
U ih de leztte Jahr hani uf das vertrout
Doch i merke itz: Hey di eini Frou
Kenni höchswahrschiinlech länger scho!
Eh innere Stimm seits mer oder ischs Gott?

Mir redä zäme, i merke du hesch rächt
I ha di damaus verletzt, itz füehle mi schlächt
Mir redä über di aute Sache
U I weiss nid söui brüelle oder lache?
Üsi Gschicht isch nid gad hollywoodlike
Aber mir si haut Mönsche mit Körper u Geischt
Doch itze schliesse i eifach ab
Mit dr Vergangeheit, ig hase satt

I luege itze i Zukunft u froge mi
I weler Form wirsch du bi mir si?
Überhoupt? Ganz? Oder öpe gar nid?
Oder nume so haub? So Larifari?
I weiss nid, doch i weiss wasi wott
Irgendwen mit dir vereint si vor Gott
U natürlich bini gspannt ws du itz seisch
Villech gani dir sit em erste Wort ufe Geischt

Doch villech wosch ja ds i um di kämpfe
U i cha dr nume säge es chunt vo Härze
Es isch kes Gfüeh vo chly verliebt si
Es isch es Gfüeh vo grosser Liebi
U du seisch du chasch mir nüm vertroue
I verstah ds irgendwie, doch i gloube
Und hoffe das Lied hie cha häufe
Und i bechume dr grösst Platz i dim Härze