Text:
Zmitts i dr Nacht fahri zrügg i mini Stadt, ja
Hie bini vor Jahre ufwacht ja
Hie bini gebore, hie bini gross worde
Und villech wirdi hie oh einisch wieder verdorre
Guet müglech ds i einisch hie stärbe ja
Ja villech wird ds hi mis Ändi gar wärde ja
Wöu i iz doch scho s virtujahrthundert hie läbe ja
Und ds Läbe kennt ja einzigartigi Wäge

Aber ob i je hie us mire Stadt wäg zieh
Weissi zum hütige Zytpunkt eher nid
I merke ds ds hie Heimat isch
Aui di Muure, und di Hüüser und natürlich d Lüüt
I merke, s hautet mi hie
Ig hätt d Müglechkeit wägdsgah, was mr nid dient (nei)
Ha immer wöue bi dir bliibe
Du bisch chlin und härzig,e geili Biibe

We du e Frou wärsch, würd ig di so nennä
Jede wo di nid kennt, söu di lerä kennä
Ig chönt dr no mänge Grund derfür nänne,
Chönt no so viu Guets über di verzäue
Chönt no mängs hie i däm Brief erwähne,
aber ds Wichtiste isch, du bisch ganz nöch vo Bärn
Und bisch gliich - nid so übertriibe gross
Du betonsch äbe no e schöne Chlystadt-Flow

Und du bringsch no Natur und Stadt i Einklang
Wimes nieneh meh findet
Und we i ke Rhyme me finde
Und kei Wort mir meh irgendwie glinge
De weissi immer, i cha immer zrugg cho
Ja hie isch Türe für mi immer off
Git immer irgendöper wo i hi no kennä
Und i cha zu ihm ga und ihm mis Aliege nennä

Und ja no immer Lösigie gfunde, mängisch gueti mängisch schlächti
Aber schlussendlich isches meistens doch irgendwie rächt gsi
Drum weissi ds i bi und i dir wott bliibe
Und jedi Zille woni schriibe i dir schriibe
Ja okay, ds stimmt nid ganz hunderprozent
Ha uswärts oh scho gschriibe aber am Änd
Wotti dermit säge, hie isch mis aute Nest isch
Und hie isch oh mis ganze Vermächtnis

Mini Familie, mini Fründe, mini Lüüt, aues isch hie
Mini Heimat, ja du bisch aues für mi
Dini Wiise, dini Muure, dini Strasse dini Wäge
Löh mi mängisch sprachlos wärde
Ha mi mängisch oh scho ufgregt über dini Regierig
Abr schlussändlich bini doch immer wieder froh hie ds zieh
Oh we du nid gad di autofründlichsti Stadt bisch
Wöu di verdammte 20er Zone präge dis Stadtbiud

Und oh weme im Stou ds Gfühl ds me hie stirbt
Und oh we ds Migros länger als 5 Jahr umboue wird
Und i ds Gfühl ha, im Rathuus chömi nume Dummi zäme
Muess i doch säge, s lohnt sich hie ds läbe

Chume immer wyder gärn zrugg i mini Stadt ja
Und iz i derä Nacht fahri zrugg i mini Stadt ja
I fröie mi, weni wyder dür di Strass fahr
Zwängsgtuusigmou wo ig scho dür di Strasse fahr
Hundertttuusigmou wo i di einti Strass ha gseh
E Million Schritt wo i hie scho gmacht ha, oder meh
Ha über hunderttuusig Stunde hie scho verbracht
S paar chöme hüt no derzu i derä Nacht
Und i weiss Heimat isch es Gfühl und ke Ort
Aber weni da bi lösisch du genau ds Gfühl us
Drum bisch du für mi Heimat.