Text:
Zug eis: Buur E2 uf E4
Gägner zieht gäge ohni ds är studiert
Setze dr Löifer F uf vier vo C - Gägner hets gseh mit D schütz är si Buur uf E
I wott id Offensive, Agriff isch mini Devise
Drum tu i mi G-Springer uf F3 verwyse
Dr Gägner grifft ah mitem Springer ufe E Buur
I decke mitem Buur, doch är bliibt bi sire Idee – stur
Setzt iz dr Buur vo C2 uf C4. Mi Läufer springt uf E3, i bi hie
Dr Chef u i gibe dr Ton ah - doch är sezt sini Dame diagonau uf A
Ds bedütet Schach, doch mitem Buur wehri ab
Uf C3 bini gschützt u si Agriff macht schlapp
Chunt nume mitem Springer uf C6
I rotiere itz umgehend gäge rächts

Ds Läbe isch wines Schach
Je lenger ds Spiut geit, desto meh ischs dürdacht
Mängisch loufts dr super, mängisch bechunsch ufs Dach
U irgendwenn isch jedä vo üs matt (2x)

Löifer uf G4 isch dr nächst Zug
Doch ig bin nid blöd, ig chume drus
Är fesselt mi Springer uf däm Fäud
Doch i ha mitem H Buur e guete Uswäg gwäut
Är zieht dr Löifer zrug, doch mitem G Buur setzi nache
Iz steut är dr Löifer uf G6 ache
Ds erloubt mir wyder dr Agriff ds sueche
Drfür steui dr A Buur uf A3, i wottt versuche
Sini Dame ds schlah, doch är chunt über links
Steut dr H Buur uf H5 und är grinst
Doch mi Agriff isch mit B4 lanciert
Är muess luege ds är nid Dame verliert
Taktisch clever geit är mitere zrug uf D8
Ha, itz isch mi Momänt, i chume a d Macht
Mi B Buur rückt vor ufs Fäud B5, Är zieht mitem Springer,
i bi sicher är verlüürt

Ds Läbe isch wines Schach
Je lenger ds Spiut geit, desto meh ischs dürdacht
Mängisch loufts dr super, mängisch bechunsch ufs Dach
U irgendwenn isch jedä vo üs matt (2x)

I bi am Zug, steue Buur uf D4, Geniestreich isch nach
Är kontertert überraschend mit A5 mit dr Dame
Iz chunts zum Infight mi D Bur uf E5
Är zieht gäge wöu är süsch si Springer verlüürt
Doch mit mim Springer chumi vo F3 uf E5
Sini Defensive het itz ganz viu ds tüe
Är schlaht mitem Löifer i uf 4 vo E
Mi Springer rückt vo B uf D
Doch är chunt mit sim linke Turm uf 8D
Ws drzu füeht ds i mi ir Defensive gseh
I starte dr Gägezug mitem Löifer uf 5G
Doch ig ha nid gseh, är frisst mit dr Dame mi Buur uf C

Doch eis het är nid bedacht
Steue mi wys Löifer uf F7, itz isch matt
Isch e hertä Kampf gsi u i ha gsiegt
Doch gäge wän ha i eigentlech gspiut?