Text:
Los dr dä Beat ah, wyder wunderbar ja
S isch wyder mou Nacht, s isch klar ja
I bi wyder mou allei ungerwägs
Und im Handgepäck hani wyder mou Räps
I bi frei ja, ig las ize use
Freestlye ir Nacht, i bi küüst vor Muse
Gniesse di Beats, i meine los mou hie
Ds isch e Summer Brise Beat zum inezieh

Fahre ir Nacht desume, är git mir d Richtig ah
Weisch s chunt scho immer irgendwie ds Richtige
I mim Läbe, irgend zum ne Zytpunkt
Meistens ischs irgend am ne Tiefpunkt
Wo Rap chunt und seit: „Hei s isch nid so schlimm
Du hesch immer no mi, di auerbesti Fründ“
Eifach mou für mi si, s isch wi s Selbstgspräch
Abr s isch kes Selbstgspräch, nei s isch Selbst-Rap

Gfüehl use lah, ds isch mini Seelehygnie
Psychohygiene wo i mi dernah sehne
Rap isch immer da für mi u i lah mi druf ih
Rap het mi no ni im Stich glah und ig ihn oh nid
Ha immer wyder dr Wäg zu ihm gfunde
Ha immer wyder inneri Hürde überwunde
Klar hani mängisch monatelang ke Ziile gschriibe
Abr denn chunt di eini Nacht wo i mi übernimme

Und ja i weiss ds nid aues perfekt passt
Aber ds isch mir itz gad gliich, wöus für mi perfekt passt
Ds isch perfekt Bass dr perfekt Beat
Yeah I gniesses hie ds si, Yeah

Ds Läbe isch schön u du bisch s doch ou
Auso chum, mir gniesse dr Abe zäme mini Frou
I bi sicher mir wärde zäme wyder eh gueti Zyt ha
S wird sicher wyder mou wunderbar
S isch nid immer nume eifach i üsem Läbe
abr derzu wett i scho lang mou öpis säge
I bi sicher s wird scho wyder besser wärde
denn mir Läbe no s Zytle hie uf derä Ärde

Ja ig bi optimistisch, s chunt eh gueti Zyt
Mir hei viu Potenzial u Wäge wo offe si
Mir hei viu Land vor üs, wo mir chöi eroberä
Mir hei no geng öpis guets drus gmacht, hey oder nid?
I meine mir hei no aues immer irgendwie gschafft
Mir hei Krise düregmacht, Nächt düre gmacht
Abr mir hei di Krisene überwunde, Berge versetzt
Und hüt räpp i dir vouer Fröid dä Text

Klar hei di Zyte üs gformt u prägt
Abr hüt simer trotz auem fit u zwäg
I fröie mi uf üsi gmeinsami Zuechunft
I bi überzügt ds si guet chunt