Text:
I bi immer no hungrig, immer no gwungrig,
Räppe isch für mi immer no öpis bsungris
21 Songs, ds Album isch vou
Abr s isch no lang nid aues gsi, no no no
I ha immer no vieles ds säge, vieles ds erläbe
Immer no s normaus Läbe, viu Sunne u o viu Räge
Viu Zyt vor mir, vili Muure, vili Wäge
U i fühle mi mängisch immer no wi ufere ändlose stäge
Immer no s Sprachrohr für Poesie, vou Phantasie
Immer no ungerwägs, immer no mou dert mou hie
Immer no unverstange „Ws söu ds si?ׅ“
I bi immer no genau gliich, i bi immer no i
Immer no e riise Schnuure u immer no fräch
Immer no stahni uf meh Dräck u i stah ih für ächte Rap
Immer no süechtig nach mine eigete Träcks
Immer no bewürkt Rap ds i fühle ds i läb

Immer no bi i ohni Ändi am Schriibe
Immer no bewegt mi jede einzeilni Ziile
Immer no isch nie ufgäh mini Devise
Immer wirdi mir treu bliibe, i jederere Krise

Yeah und immer no bini HipHop treu
I rappe 1-2 Ziile u ih hoffe dir heit fröid
Ds isch es Gratis-Album ig bi immer no nid Kommerz
Immer no bringe hie u da e Scherz
Immer no hie u da nid eh perfekte Rhmye
Gfougt vomne Doppelrhyme ir perfekte Line
Immer no nimme i ds Läbe u dr Räp eifach chillig
Immer no beschimpfe mi teu aues biuig
Immer no wiuig, ig ha immer no so viu vor
Ziu si verändertet aber immer no gross
Immer no wünschi mir dir säget ich söu wyder cho
Denn wichtig isch mir öies Feedback immer no

Immer no bi i ohni Ändi am Schriibe
Immer no bewegt mi jede einzeilni Ziile
Immer no isch nie ufgäh mini Devise
Immer wirdi mir treu bliibe, i jederere Krise

I bi immer no nid satt, ig bi no immer vouer Tatedrang
Ig loufe immer no i Gedanke versunke ar Strasse entlang
Bi immer no duurend i Gedanke am Texte schriibe
U ig besiege no immer mini eigete Zwyfu mit jedere guete Ziile
I ha no immer lang nid erreicht ws i wott erreiche
Abr mit jedäm Track setzi immer wyder s Zeiche
Wöu i bi immer no am kämpfe fürne besseri Ärde
Wöu i immer no gloube, i cha no öpis bewürke vorem stärbe
Ja, i bi immer no nid völlig überzügt vo mim Wärk
Abr i bi ufemne guete Wäg u ds Ganze bechunt immer meh Wärt
Immer no hani Gründ ah mire Arbeit ds zwyfle
Ig muess mi immer wyder mahne: Ig ha e gueti Perspektive
Denn ds isch immer no ersch mini ersti Schiibe
I säg drs ohni ds übertriibe, i wirde no viu höcher stiige
I meine mit däm immer no nid d Chartposition
Sondern e immer no bessere Text, e immer no bessere Flow
Wöu für mi isch immer no wahre Erfoug
Di gueti Qualität vo mim Wärk, schiis uf Platin oder Gold
Immer no chani drum di wahre Fröide vim Läbe gniesse
Und immer no hoffi vo derä Istellig cha öpis wyter fliesse
Immer no isch mi Wunsch ds mini Musik bewegt
Ds si zum nachedänke u hinterfrage arregt
U zugliich oh immer no mi säuber wyderspiegelt
Wöu i immer no überzügt bi, s isch vorherbestimmt ds ig hüt so hie bi

Ds isch es gsi, mis erste Album, ig ha euch mis Innerste zeigt
Ig hoffe dir heits gnosse u sit no immer bereit
Wyterhin Ateil ds näh ah mim Wäg
Ig wünsch nech aues Guete, bis zu min nächste Wärk
Ds isch es gsi, mis erste Album, ig ha euch mis Innerste zeigt
Ig hoffe dir heits gnosse u sit no immer bereit
Wyterhin Ateil ds näh ah mim Wäg
Ig wünsch nech aues Guete, bis zu min nächste Wärk

Schattä