Text:
Guete Tag mi Name Ädu Herrmä
U i hoffe dir chöt öich für ds hie erwärme
Ds isch Hip Hop mit Liib u Seelä
Es isch aues wahr was i hie verzeue
Zugäh villech hets mängisch primitivi Texte
Doch du chasch i jedem e guete Sinn entdecke
Und i weiss es gäb no mängs ds verbessere
Doch i wet itz gärn afe es Zeiche setze

Denn es tuet mer weh, weni so use luege
I gseh so viu Mönsche si nume am fluche
Sie si frustriert u es ändert sech nüüt
Und aui hei ds Gfüeh ds s ewig so bllibt
Drbi gäbs no so viu meh, doch ou meh Problem
S Truurige isch, ds di meiste se nid emau wei gseh (Nei)
Mir tüe vor de Problem eifach d Ouge zu
U boue zwüschemönschlechi Murre uf

I mein lueg doch mau üsi Gseuschaft a
Mir verhänge dr haub Tag uf Tiktok odr Insta
Ds isch s Indiz derfür, ds öpis nüm stimmt
Aui si social vernetzt, wo meh abr nüt gwinnt
Anstatt i Selfiestick söttsch meh i Spiegu luege
Ds würd dr meh bringe als Mental Health ds google
Füftuusigsiebehundertachtefüzg Lüüt wo dr fouge
Abr kei Mönsch wo dis wahre Ich chasch avertroue

Si zwar vernetzt aber nüm wahrhaft verbunde
Kennä Näme vo Insta-Dogs abr nid am Nachbar sini Nr
Ganz ehrlich, mir müesse aui zäme wydr öpis ändere
Doch s muess jedä bi sich säuber starte für eh Veränderig

Ig für mi i, ig starte itz mit däm Rap
Ig ha Ziu, ig ha Tröim mit dene Tracks
Däm Thema widmi de no es eigets Lied
"Cho zum bliibe", abr so viu scho mou hie
I räppe für mi, s isch wie e Therapie
I räppe u fühle mi befreit wie nie
Doch i räppe oh für Rap an sich
Denn er schüüch worde und är versteckt sis Gsicht

Versteckt hinger Popbeats oder Gangster-Sprach
Het Rap an sich hüt no chum e Chance
Sis wahre Gsicht wyder öffentlich ds zeige
Denn är het Angst er chönti sich si Ruhm vergame
Ig verstah Rap zwar, doch ig teile di Angst nid
Und drum rapräsentieri Rap mit mim reine Agsicht
Denn für mi isch Rap früher no chly anders gsi
Und ig hoffe ds är dür mi oh wyder chly anders wird

U ob ig ds wirde schaffe, ds wird sech no zeige
Doch mit dem Track hie setz i afe es Zeiche