Text:
Egau ws um mi ume isch, i gah mi Wäg wyter
Es isch chaut, ig ha ke Ahnig was für Zyt isch
Es isch oh egal, i loufe wyter ohni Ziu
Ha ke Ahnig wohi, weiss ächt nüm viu
Weis nid wo i herägah oder wo i bi gstartert
Weiss nume ds s abartig usartet
I möchte gärn vor Vergangeheit flieh
Ih d` Zukunft, doch sie laht mi nid lah zieh

Wo isch dr Wäg? Wo ischs Ziu?
Wo ischs Liicht? Wo führt ds hi?
Ds ewige Loufe ohni Orientierig
I weiss gar nid werum ig no hie bi
Pschliesse mi ih i mire eigete Wohnig
Ha beschlosse hie ds bliibe ir Unornig
D Wäut het mi ds fest gestresst, überau Problem
So viu Finsternis ds i d Sunne nüm gseh

Ds Läbe schnüürt mi i, wine Stachudraht
Bliibe ewig hie, ir Gägewart
Frage mi, het ds Läbe no öpis parat
Oder bliibi nume teil vom ne grosse Apparat (2x)

Ih lehre füre Lehrer u ih schaffe füre Chef
Schaffe oh fürs Gäud, abr nid wöu ig ds wet
Es isch so e Lääri wo ig gspüre
Wo isch dr Sinn, i blicke eifach nid düre
Ja, I bi gfange ir Finsternis
Gseh nume no Hürde u Hindernis
Gseh nume no Laste, woni muess träge
Gseh nume no schlächti Sache, drfür ke Wäg meh

Wo si mini Kollegä? Wo mi Fründe?
Hei si sech aui gegä mi verbündet?
S fühlt sech so ah als würd niemer ah mi gloube
Muess zugäh dass ig ihne nid würklech vertroue
Es ligt nid mau a ihne, nei s liigt ah mir
A mini Säubstzwyfu, dür di bi ig verwirrt
D Wäut het mi ds fest gestresst, überau Problem
So viu Finsternis ds i d Sunne nüm gseh

Ds Läbe schnüürt mi i, wine Stachudraht
Bliibe ewig hie, ir Gägewart
Frage mi, het ds Läbe no öpis parat
Oder bliibi nume teil vom ne grosse Apparat (2x)

Luege mit müde Ouge d Fläsche ah
Schänk mer nomau ih – s wyters Glas
Oh das wird dr Schmerz nid chöne abhaute
Abr verhindert immerhin e klare Blick uf mi Autag
Und uf e komischi Art schänkts mer Hoffning für morn
Wöu i weiss mitem Kopfweh beginnt zwar aues vo vor
Abr s bestätigt immerhin ds es s morn wird gäh
U wär weiss villech loufi morn e angere Wäg

Luege mit müde Ouge d Fläsche ah
Schänk mer nomau ih – s wyters Glas
Oh das wird dr Schmerz nid chöne abhaute
Abr verhindert immerhin e klare Blick uf mi Autag
Und uf e komischi Art schänkts mer Hoffning für morn
Wöu i weiss mitem Kopfweh beginnt zwar aues vo vor
Abr s bestätigt immerhin ds es s morn wird gäh
U wär weiss villech loufi morn e angere Wäg

Ds Läbe schnüürt mi i, wine Stachudraht
Bliibe ewig hie, ir Gägewart
Frage mi, het ds Läbe no öpis parat
Oder bliibi nume teil vom ne grosse Apparat (2x)