Text:
Lueg dr Sunnedrungergang, dr Tag neig sich z Änd
So schnäu isches gange, so viu bini grennt
Und i weiss gar nid, ws hani hüt aues gmacht.
Über was hani hüt aues glacht?
Hani hüt Fröid gah? Ig muess churz reflektiere
S passiert so schnäu, di Täg zieh verbi
U ih weiss nüt vone, ih vergisse so viu
Vergisse mini Fründe, vergisse mini Ziu

Vergisse ds Wichtige, tue hüüfig eifach funktioniere
Meh läbe zum schaffe, anstatt ds Läbe fiire
Und ih merke wi ds Ganze mi drus tuet
Und Ih merke, wi ds mir nid guet tuet
Ih rennä blind und ghetz dür mis Läbe
Anstatt eifach mou Stopp ds säge
Doch i merke, ufhöre faut mer schwär
und i weiss gar nid wär

Cha mer häufe, wär cha mini Frage beantworte?
Wär, wär we nid Gott?
I gloube zwar ah ihn, aber ghörene nid
Villech red är ja oh gar nid mit mir
Villech Beides? U villech isches mini Schuld
Aber meistens fäuht mer eifach d Geduld
Ih führe Monologe, i wünschti är würdi redä
Doch villech dänkt är i söu mis Züüg alleini reglä

Oder s isch sini Art wi är mi lehrt
Und i fings verkehrt, wie är mi lährt - Egau

I merke eifach di Täg, zieh so schnäu verbi
Gester gebore, hüt füfezwänsgii
Füfezwängs Jahr, s Virtujahrhundert, steu dr vor
Doch nume s paar Momänt si no i mim Ohr
S paar Momänt i mim Kopf, s paar Momänt i mine Ouge
Wi viu verlore geit s isch chum ds gloube
S viu hani erläbt, und so viu hani vergässe
So viu hani verdrängt und so viu hani mi wöue mässe

Ja viu zu oft ha i mi vergliiche
Viu zu säute schriibi mini eigete Gschichte
Wär bi ig? Oft frage ig mi ds när
Wöu ohni eigeti Gschicht fäuht Identität
Und ih frage mi, ob du so Problem oh kensch
Oder bi ih öppe dr auereinzigs Mönsch
Uf derä Ärde wo sich so Frage fragt?
Wo blind u gstresst dür sis Läbe jagt?

Si git viile so wi mi luegi so ir Wäut desume
Ih gseh nume Leid, Sorge, Vergewaltigung
D`Wäut isch truurig u di meiste Mönsche sis oh
Drum wott i lerä di chlyne Momänte im Läbe i ds foh
Luege i Sunneungergang, dr Tag neig sich z Änd
So schnäu ischs gange, so viu bini grennt
Doch di guete Momänte vo hüt nimmi mit
Wöu ih weiss ds ih nume so gsung bliib