Text:
S letzt mou, scheissegal ws isch gsi
S letzts mou würdi gärn redä
S letzt mou u när chanis lah si
S etzt mou: ig wett eifach wüsse werum
I weiss vermutlich wird mi d Antwort nid wyterführe
Aber i merke i würd eifach so gärn nachefühle
Würd so gärn wüsse werum aues so isch wis isch?
Werum nid anders? Werum du di so entschiide hesch?

Würd so gärn… eifach wöue verstah
Würd gärn meh wüsse über di, dis Innerä
De chönti di villech oh lichter lah gah
S wird nie müglich si ds Gspräch abr s wär mir so viu Wärt
I meine, was het di derzu bewoge die Schritte ds mache wo du gmacht hesch?
Was het di derzu bewoge die Schrite ds mache wo du gmacht hesch?

S letzt Mau, nume zäne chöne redä, s letzt Mau
Villech wär denn aues andere egau
Villech wär denn aues anders cho
Ig wünsch dr aues Guete mi Bro (2x)

S letzt mou, s isch itz scho Jahre här
Ds i ds Gspräch mit dir wett führe u erfahre
Bliibe di Frage offe u bliibts itz für immer so läär
Ah denä Plätz wo nume du usgfüllt hesch
Jahre wo kei Antworte hei bracht uf au di Frage
Jahre wo i gmerkt ha s git meh u weniger quälenedi Tage
Jahre wo i gmerkt ha, Truurprozässe fouge eigete Reglä

Doch trotz au däm würdi immer no gärn mit dir redä
Denn trotz viune schöne Momänte und zahlriiche Fröide
Hani nid ufghört ab und zu ah dis Grab ds gah
Ha nid ufghört ab und zu vo dir ds tröime
Denn trotz au derä Zyt heile di Wunde eifach nid
U drum bliibt mi Wunsch dr gliich scheissegal ws isch gsi
No s letzts mou würdi gärn redä
No s letzt mou u när chanis lah si
No s letzt mou: Wett eifach wüsse werum

S letzt Mau, nume zäne chöne redä, s letzt Mau
Villech wär denn aues andere egau
Villech wär denn aues anders cho
Ig wünsch dr aues Guete mi Bro (2x)