Text:
Aues isch vergänglech
Nüt isch unändlech
Nüt isch für d Ewigkeit bestimmt
Doch git es paar Sache wod mitnimsch
I ds nächste Läbe. Obs ds git?
Ig chas nid säge, i weisses nid
Wirdes de gseh zu gegäbener Zyt
Hoffe aber es isch no nid so wyt

Dä Täg är wird einisch cho
Weiss nid wie u wenn u weiss o nid wiso
Und unger wäune Umstäng i ums Läbe wird cho
Ob dürs Auter oder dürne Douch
Ob hi ir Schwiiz oder im ne Loch
Weiss nid wie lang ds Läbe no geit, doch
Doch, i ha Angst ds viu verpasse
Sött i us dem Läbe ds früh abkratze

I weiss dä Tag wird einisch cho
Doch hoffe är isch no nid gad morn
Wär eifach no nid bereit drfür ds go
U betä jede Abe gnau drum zu Gott
I wott no mini Troumfrou (besser) kenne lerä
U mi, männlich wini bi, vermehre
Ig ha no so viu Tröim uf derä Ärde
Ig wott no nid ga, ig wott no viu erläbe

Ig wott Gäud usgäh u Tröim verwürkleche
Nid nume Matrielli, aber di würke haut
Imponierend, doch ds bedütet nüt
Wott lieber eh gueti Zyt ha mit mine Lüüt
I wott no eis, dieses und jenes
Ha gar nid gnue Zyt, aues ds verzeue
Wenni öpis ha, de wott i immer no meh
Ds isch sehr krank, aber leider mönschlech

I wott di Täg womer bliibe, eifach gniesse
Drbi isches doch egau, wie vili ds es si
I weiss ih sött jede Tag so läbe wi dr letzti
Bi überzügt wenis miech gings mer besser
Doch verschiebe nach wie vor vieles uf morn
Ds isch Paradox, bi ig morn no do?
Ds isch ungwüss u es wird ni gwüss si
S isch Ibiudig ds mir dänke mir wüsses
I weiss nid, was morn passiert
Doch ds isch guet so, i has kapiert

I ha begriffe, i sött ds Läbe läbe
U nid ds viu nachedänke über ds stärbe
I muess es so oder so näh wis chunt
I chas so oder so nid ändere, Grund:
I bi nüt Grössers, i bi nume e Mönsch
Wo, wie aui, irgendwenn verbrönt
I ha ds Schicksau nid säuber gschribe
Bi nid Herrscher über Macht und Bestimmig

Gits eh Bestimmig? I kenne se nid
Doch wes eini git, het genau das siini Gründ
I bi nume Mönsch, i bi nume ändlech
O mi Körper isch vergänglech
Ig hoffe ds derfür mini Wärk wärde bliibe
I öirem Härze u öire Erinnerig
Ds si ab däm Tag wo i go
bim aluege vo de Fotos

Mi Name nume im guete Erwähne
Ds isch mis Ziu wo i drfür läbe
Ds isch mis Ziu wo i drfür räppe

Aues isch verägnlech
Nüt isch unändlech
Nüt isch für d Ewigkeit bestimmt
Doch git es paar Sache wod mitnimsch