About this Track

• Added on 17 October 2026
• Description

  Gitarre/Gesang: Janick Pfenninger
  Kontrabass: Severin Graf
  Regie&Schnitt: Achille Lietha
  Kamera: Michael Schwendinger
  1st AC: Pascale Egli
  Beleuchtung: Aurelio Ghirardelli
  Label: Noodle Soup Records

  Es isch emal en Trauzüüge gsi
  Dä het sin Wecker nöd schellä ghört
  Drum isch er z’schpaat zum Coiffeur
  Das ellei wär nöd unerhört

  Bim Coiffeur acho het er gseit
  Ich han ke Ziit für Eitelkeit
  Muen nachher grad uf s‘Standesamt
  Trotzdem gern chli elegant

  Under Druck cha de Coiffeur nöd schaffe
  Schnitt s’Ohrläppli ab, am Bode e Bluetlache
  De Trauzüüge gheit in Ohnmacht
  Nöd ideal, findt de Arzt im Spital

  De Brütigam ufm Standesamt
  De schreit wo blibt dä Sack verdammt
  Wär er nöd min Zwillingsbrueder
  Wär eusi Fründschaft trüeber als trüeber

  Was lernt de Trauzüüge us dere Gschicht
  Pünktlich ufstah isch schono wichtig
  Wennds Ohrläppli wetsch bhalte
  Und de Familiefride erhalte

  Ja leider wirds no vill schlimmer
  Als im bluetige Coiffeursalon
  De Trauzüüge wird vom Spital entla
  Und sDrama fangt ersch richtig a

  Am Hochziitsfesch sind ali am trinke
  Au de Brütigam het vill zvill gha
  Sit zwei Stund ufm WC
  Am s’esse usela

  Vergessed nöd de Brueder
  De tanzt und wird nie mueder
  Weg de Medis isch er wi uf Droge
  ah s‘Ohrläppli denkt er ersch am morge

  Ja dBruut mag nüm gaht mitem Brueder id Heia
  Im Glaube es isch ihre Ma
  dHochziitsnacht blibt es Gheimnis
  Aber vo paar Sache chömmer usga

  Es wär ja eich kes grossäs Ding
  Aber etz het dBrut es Chind vom Schwager
  Zum Glück isch er en Zwilling
  Susch het de Ehema na Frage

• Year of creation 2026
• Label Noodle Soup Records
• Director Achille Lietha
• Tags chanson, mundart, liedermacherei, liedermacher
• 5 plays