|
|
|
 |
LUUTSTARCH
SONGCONTEST 2015
|
Metta
la Svizra sut la marella e renda palais miseria zuppada ed
emarginaziun latenta en noss ritg pajais! Luutstarch
tschertga damai er en il 2015 las meglras
chanzuns davart il tema «povradad en Svizra».
Participar po mintgin e mintgina tranter 13 e 26 (vegliadetgna media
per bands: 26).
|
|
Chargia
tia chanzun sin tes profil mx3 e gudogna la
girada d’in clip ubain in equipagi
audio per ina valita totala da 1000 francs! Scadenza è ils 9 da
favrer 2015.
Dapli infos chattas ti sin la pagina mx3 dal festival Luutstarch. Sin
la pagina www.luutstarch.ch pos ti t’annunziar directamain a
la concurrenza.
|
|
|
|
|
|
|
 |
8x15
STRIKES AGAIN |
Radio SRF Virus
preschenta ina nova ediziun da la retscha 8x15, sco adina cun 8
formaziuns empermettentas en il center, mintgina à 15 minutas, questa
giada venderdi ils 17 d‘october sin il palc dal Kammgarn a Schaffusa.
Sin il program questa giada il cosmos sonor particular dals Reza
Dinally (Turitg), l’electropunk energetic da Solange La
Frange (Vevey), l’indie-sound accentuà dals Neckless
(Winterthur), la
melancolia maiestusa dals Me, Valentine & You (Berna). E lura il St. Kitts
Royal
|
|
Orchestra
(Son Gagl) tranter pop e rock, The Gardener
And The Tree (Schaffusa) tranter indie e folk, Marash
& Dave (Lucerna) cun hiphop ed ils Yellow Teeth
(Sion) sin binaris da folk.
Il meglier gaudi da quest 8x15 da musica svizra sco adina live davant
il palc. Ils concerts vegnan però er transmess direct sin SRF Virus
da las 20 a las 24, e lura in’emna pli tard en televisiun sin SRF zwei,
en il program nocturn.
La prevendita marscha qua
|
|
|
|
|
|
|
 |
LIGHT
& SOUND - GRATIS PER TAI!!! |
3 dis
expo spezialisada per barattar savida, cumparegliar products e scuvrir
novas tecnicas en il champ da video ed audio, quai è la Light & Sound dals 19 als 21 d’october a Lucerna.
I sa tracta dad in vair inscunter per tut ils commerziants e
professiunals da medias e palcs e per tut ils organisaturs d’events da
la Svizra. Produzents e distribuiders mettan a disposiziun tut lur
experientschas e cusseglian ils visitaders en chaussa dad audio, video,
studio, AV, broadcast, implants sonors, equipagis DJ, home recording
euv. Experts preschentan lur know-how er puncto planisaziuns e
realisaziuns dad events.
Damai in must per profis da cinema, radio,
televisiun,
|
|
festivals,
DJing - e natiralmain er da musica.
Light & Sound offrescha er conferenzas e lavuratoris gratuits per
visitaders, qua il program detaglià
Instrucziun e
scolaziun:
Scolas ed assoziaziuns spezialisadas en audio e video èn medemamain
preschentas per cussegliar davart furmaziun ed instrucziun sin lur
champ, davart finamiras, formats, schanzas e cundiziuns da talas
scolaziuns.
Mx3
è loscha
da pudair offrir totalmain 50 entradas quotidianas gratuitas
(first come first served). Entant accessibel be via online, cliccond qua
ed inserind la cifra 0101 2402 5065 0310 en il champ previs.
Dapli infos davart l’expo chattas ti qua
|
|
|
|
|
|
|
 |
SVIZZERS A
LA CONQUISTA DAL MUND!
|
Swiss
Live Talents trametta, en collavuraziun cun il Montreux Jazz Café ed il
CMJ Music Marathon da New York, artists svizzers per il mund enturn.
D’october enfin december han lieu divers concerts en ils différents
Montrex Jazz Café‘s da Montreux /
Genevra / Londra e Paris, e quai cun Abu,
Damian
Lynn, Cauliflower,
Mmmh!,
Hathors,
Bit-Tuner,
Rootwords,
Labrador
City, Ander, Aliose, The Rambling
Wheels, Hack
& Nick,
Lynn-M - Aloan, Tim & Puma Mimi, Ursina e The E’s. |
|
Ultra
da quai a New York durant il CMJ
(21-25 oct.) cumparsas da Rootwords
(Swiss Live Talents - Best Urban Act) e Great
Black Waters (ghitarrist da Fai Baba).
Sche ti es per cas in da quels dis a New York, laschans savair per
e-mail, e nus t’organisain
bigliets per ils concerts e t’envidain ultra
da quai al bainvegni - organisà dal consul svizzer - a New York
ils 23
d’october, nua che ti pos salidar ils artists celebrads.
Ulteriuras infos sin swisslivetalents.ch.
|
|
|
|
|
|
|
 |
CROC THE
ROCK 2014
|
Il team
Croc’ the Rock lavura gia dapi 3 onns
cun premura per pudair offrir mintgamai ina bella fin d’emna musicala
d’atun.
La terza ediziun ha oramai lieu ils
proxims 24 e 25 d’october a Etagnières ordvart Losanna. Cun in
pèr bellas innovaziuns,
|
|
sco per
exempel il diever gratuit dals meds publics!
Il menu da quest onn propona Birth of Joy (NL), Rag Dolls e John Dear
il venderdi, e lura Kill It Kid, Dirty Sound
Magnet e The Black
Widow’s Project la sonda.
|
|
|
|
|
|
|
 |
NYON’S ON
FIRE FESTIVAL |
La
setavla ediziun dal festival Nyon’s
On Fire ha lieu ils 24 e 25 d’october a l’Usine à Gaz da Nyon,
cun in program centrà enturn rock, electronica e metal.
Organisà dal team Heimathome, metta il festival
paisa sin il sustegn da musica locala.
|
|
Venderdi
è notg da metal e ses parents cun Promethee,
Voice Of Ruin, Blasted e Nodafreth.
Il di suenter procuran Bak
XIII, Progstone,
Horla,
Perf'
e Herr
Liebe per ina halloween
detg electrica,
che fa garantì
ballar enfin l‘aurora.
|
|
|
|
|
|
|
 |
FORUM
MUSICAL A MONTHEY |
Noss
partenaris da Trock e da la plattafurma
culturala vallesana envidan al proxim Forum musical, ch’ha lieu
gievgia ils 9 d’october al
Pont Rouge da Monthey.
Il Forum è avert per tut ils musicists sco er per tut lur amis che
vulan amplifitgar lur network. E natiralmain er per las musicistAs. La
discussiun s’occupa da strategias actualas per fortifitgar
derasaziun
ed influenza da bands svizras entaifer ed ordaifer il pajais.
Ils giasts ch’intervegnan han
|
|
tuts
gia animà ferm la scena Svizra:
Christian Wicky | Musikschaffende / Indiesuisse et Irascible
Cyril Huguet
| Pont Rouge et hik & nunk Festival
Denis Alber |
Kultur
Wallis et Oh! Festival
Djamel Cencio
| Kyasma
Marc Ridet | FCMA et
Swiss
Music Export
Samuel Vuillermoz
| Mx3 et SwissAmp (Swiss Live Talents)
Dapli infos chattas ti qua e qu pos ti cliccar per l’annunzia.
L‘entrada è libra!
|
|
|
|
|
|
|
|
FEATURED PLAYLISTS
|
Sin Mx3 datti enorm blera musica, per cletg datti
glieud che
selecziuna… qua chattas Ti ina pitschna schelta:
|
|
|
|
|
