Hütt zobig sägis wieder mol durch die Blume
Nimm de Schlüsselmoment us mim Verstand
Fülle Gläser mit 4 Rose bis zum Rand
Und de Chüelschrank i de Chuchi surret liesli

Jo de Chüelschrank i de Chuchi surret komisch
Sitze do i de Chuchi vo de Klinik
Fülle Gläser mit 4 Rose bis zum Rand
Und hütt trinki wieder mol mitem Schufi

Hütt zobig suffi wieder mol mitem Schufi
Radio 101 isch Hindergrundsmusig
I roll en Run DMC mer händ en Grandmasterflash
Und denn schänke mer nomol 4 Rose ii

Und i schänke der nomol 4 Rose i
Und mer lache über all die wo glaube, dass
Ihre Glaube sie zu bessere Mönsche macht
Judgment Night isch Hindergrundsmusig

Und morn am Morge wird die Welt ned e besser sii
Du bisch viel z frühe gange i vermisse di
Du bisch immer i mer inne als Erinnerig
Und de Kater i mim Chopf schnurret liisli

Egal wo du dis Läbe lang gläbt hesch
Ob ufem Land oder lang inre Weltstadt
I denk dis Läbe nachem Tod findet nur
als Erinnerig i de Chöpf vo de Lüüt statt

Und i mim Chopf trinki wieder mitem Schufi
Bring de Schlüsselmoment no zum Versand
Und de bodenöchi Nebel de schwebt liisli
D Chugele am Himmel isch voll