Text:
Wenn schu vor da ersta Sunnastrahla
di nüt meh berüahra kann wia d Bundeslada
weg Träum vum Nit-könna-davorenna
Zuakunftsängt, Grinddröhna und Sodbrenna
wenn dina morgendlichi Aschiss
di vergessa loht, dass sie schlofend in dim Arm liggt
d Morgatoiletta wia na letschti Ölig
laufsch bückt durch dia Tür, denn ab jez bisch hörig
im Lift voller Nochfahra vu Schof und vu Hofnarra
Opfergaba Kopf aba in obersti Stock fahra
Hochstapler, unschuldig wia pummeligi Chorknaba
Tunnelblick wia Bobfahra, nur stumm uf an Knopf starra – Schockstarri
das über em See sind kei Nebelschwada
sondern verloreni Seela us dr Chefetaga
im halbleera Tram bi dr Türa warta
niamert will dä Platz neb em Schwarza
niamert will dä Platz neb em Arma
em Fremda, em Kranka, dr Muatter mit em Kind uf da Arma
dahei goht es witer uf dr glich Pista
as Büro statt as Kinderzimmer irichta
sich im Netz an fremda Leba satt xeh
dafür vum eigena immer wieder abgeh
am Obed no erstklassiges Essa
am Morga druf denn Selbsthass in der S-Bahn
Gnussverzicht, nit als Asket, sondern als a Ästhet, escape
in üsem Universum iPhone huldigens nur Cyborgs
au wenn er’s nit glauba kann, dr Gulliver isch Hei kho

Ref.
Sie hend üs üser Amuat beraubt
und sie üs als Armuat verkauft

Dia glänzenda Berga stets uf em Schirm
doch dia wertvollsta Perla findsch uf dr Stirn
dr edelsti Tropfa an dr Nasaspitza
as Leba wia’s kunnt statt noch Planigsskizza
liaber wür i mol dr Staub vu da Hosa klopfa
als mit igsunknem Haupt in da Compi glotza
als mit igfrornem Traum uf dia Konti glotza
als mit izogna Klaua auf dia Boni hoffa
d Aristocrazia weiss nüt vu Grazia
au wenn Ballerinas durch dia Opera springen
nei, dia findsch du im a modriga Zimmer
wo knotigi Finger, diar Sockana lismeln
wo Johra noch ihrem Tod di no immer
ans Grossi erinnern, sorry so simmer

Ref.

2021