About this Track

• Added on 10 May 2024
• Description

  Es isch okei - ist ein Vorgeschmack auf das Album IDentität XY von Chéjs Romero
  
  Strophe1
  Immer wider gseh ig im Spiegu dä Maa,
  dä Maa wo nüme mah, dä Maa wo umkheit u när wider duet ufschtah.
  Dä Maa wo nüt u aues cha, dä Maa wo ufschteit u bis zur Spitze vom Bärg cha ga
  zerbrocheheit u doch ä hertä Diamantestei.
  Wär bi ig, was bi ig, wär isch dä Mönsch.
  Ig bi trurig fröhlech resigniert u ha Wünsch.
  Wär isch der Maa hinger däm Gsicht, wär erinneret sich ir Zuekunft a mini Gschicht. Schwäri Gedicht lääri Gwicht.
  Der Spiegu isch trüeb u verdeckt mini Mimik u drum nihm ig mis Mik damit der eint oder anger mit sim Chopf nickt.
  Uf der Suechi nach mim Ig,
  ä lääri Hüllä tue sä immer wider mit ere schwääri füllä, betrachtä d Wäut mitere roserotä Brüllä.

  Strophe 2
  Nirvana Fata Morgana trochni Wüeschti wie z Ghana, uf der Suechi nach der Oase, Brunnä vom Läbä, Wasservase.
  Umso töifer ig nachem Sinn bohre wird ig zum Töifer, mis Gsicht isch isch nass vo Tränä u Spöifer vo dä Spötter, Mitlöifer u Seeleverchöiffer.
  Nid das igs begriffe ha, aber das ig mis Ego gschliffe ha, ja ig has gschliffe da, da töiff im Innere dört wo mi inner Hund duet wimmere und mi uf mim Wäg duet behinderä. Was ig begriffe ha, isch, das ig nüt begriffe ha. Was ig begriffe ha, isch, das ig mini Lääri nur mit Agape wott Füllä, denn nur si duet mi Erfüllä. Aues angere isch sekundäri Gülle, z Liecht duet d Objekt im Dunkle enthülle,

  Strophe 3
  D’ Wäut wott mi nur verbruche si ernährt mi dürne Mageschluuch wo mi schlucht und missbrucht.
  Mis Läbä isch vou giftigi Natter u Schrott.
  Mängisch drifft ig ab wie Mani Matter uf Pott,
  depro wines Ching ohni Mami mitemnä Bestatterjob
  u denn fragi mi töif im Innere wo isch mi Vater u Gott.
  Bitte zerstör mini Mure mis Gatter wine wüetende Mobb.
  Ig bruche Reinigung ä klari Seele
  Krischtauklaar wie rari Gletschersee.
  Was bringt mir Wouhstand, Luxus u Sicherheit wenn mis Läbä umgäh isch vo Dunkuheit.
  Ä Narr hautet fescht dranne blibt dumm u kheit,
  wär weise isch git aues uf für nes Gramm Grips u Wisheit.
  Macht sich uf d Suechi nach guetem Rat, Tipps u Seeleheil

  Refrain
  es isch ok kei kei
  es isch okei
  Blib uf däm Wäg
  gli fingsch dis Dehei
  es isch ok kei kei
  es isch okei
  Blib uf däm Wäg
  Du bisch nid ellei

  Text und Recording: Chéjs Romero
  Saxophon: Isa G.
  Refrain: Chéjs & 11ä
  Finalmixing: Nouredinne Abbassi

• Album IDentität XY
• Year of creation 2024
• Director Chéjs Romero
• 66 plays