Hinzugefügt am 15 August 2020

Erstellungsjahr

2020

Tag

#easylistening, #sexy, #electropop, #soul

Credits & Dank

I sitz mit der veruss bi Sunneschii und de zwoite Fläsche Wii
und so viel Tintefleisch lauft a eusem Beizetisch verbii.
Individuell gstoche, under de Huut,
sigs a de Pobagge dezent
oder westcoaststyle am Buuch.
Bildendi Kunscht cha ziemli fleischig sii
und en läufigi Rockerbrut en Galerie.
Identität isch es grosses Wort,
wo uf mänge Rugge passt,
aber no lang ned jede Pyroman
wählt als Motiv en Benzinkanischter für uf sin Arm.

Und du hesch jo so en süessi Art mech z`verwöhne,
jetzt bschtellsch doch du für eus scho zum dritte Mol en Fläsche Wii
Und es fallt mer hütt eifach der das z`säge,
was mer sit ewigs langer Ziit
uf minere trochne Zunge liit

I find du bisch die bescht wos je hetts gits

I bin Füür und Flamme für de und i bin sicher uf dim Härz
isch en Würfelzucker tätowiert und dis Bluet flüsst i dine Odere
caramelisiert.
D`Stechmugge liefere de Bewiis - du bisch jede Morge verstoche.
Mech hingäge möges gar ned schmöcke, mech findes völlig unattraktiv.
Du bisch ihres Zuckermekka, du bisch nüt für Diabetiker,
und i bin sicher uf dim Härz isch en Würfelzucker tätowiert.

74 Plays

308 Downloads