|
 |
TOURNÉE
DES TERRASSES
INA MUNTOGNA DA CONCERTS
|
La regiun «Dents du
Midi» vegn a preschentar mintga
gievgia musica dal viv sin sias terrassas, dal emprim da fanadur fin
ils 26 avust. Pop, rock, country, jazz, e blera autra musica per
giudair in apero al sulegl cun amis ubain cun la famiglia
Mx3 è partenari da l’emprima ediziun da la «Tournée
des Terrasses» e nus ans allegrain da pudair preschentar
e promover activitads culturalas e da
purtar puspè bands sin il palc.
|
|
Tut las bands ed interpretas svizras pon
s’annunziar per in concert.
Las represchentaziuns han tuttas ina gascha
fixa da 700.- CHF. Per s’annunziar: legiai las cundiziuns sin
la pagina da Mx3 e cliccai sin
«book my band».
Attenziun, voss profil sin Mx3 sto cuntegnair almain ina biografia, ina
chanzun ubain in video actual. Las annunzias pudais vus far fin ils 31
da matg 2021.
Ils organisaturs s’allegran da scuvrir vossa musica!
|
|
|
 |
MX3 VEGN 15!!!
|
Gia 15 onns!
Dapi il 2006 è capità bler en la rait. Numerusas plattafurmas èn
naschidas, in per èn puspè svanidas, autras èn daventadas
indispensablas. Ina da quellas è er Mx3. Dapi 15
onns gida ella a promover la musica svizra ed artistas e bands da tut
las regiuns linguisticas.
La plattafurma exista dapi il settember 2006 e spert han ins constatà
ch’ils radios han scuvrì blers talents locals e ch’els han cumenza a
preschentar bler dapli musicistas e musicists d’autras regiuns.
Dapi il 2006, damai dapi 15 onns, lavurain nus en questa direcziun,
avain schlargià il spectrum musical (er musica populara
e contemporana) ed
augmentà il numer da las medias affiliadas. Ozendi
emettan sur 30 staziuns da radio e televisiun la musica da talents
svizzers e nus als engraziain cordialmain. In grazia fitg er a vus,
nossa grondiusa communitad, che preschanta adina puspè musica
fenomenala sin Mx3.
Per far festa preparain nus fin la fin da l’onn almain 15 surpraisas,
regals e funcziuns novas...cun svilups
per desktop e mobil, widgets, playlists, concerts live (pelvair!) e
blers auters regalins.
A partir d’immediat datti bler da far per las redacziuns affiliadas.
Ellas pon telechargiar chanzuns e videos per lur emissiuns, ed ellas
pon uss er metter lur agens cuntegns sin la plattafurma. Uschia pon
ellas preschentar anc meglier tut quai ch’ellas fan per la musica
svizra.
Sajas da la partida sin Mx3! I dat da scuvrir anc bler da nov ed er
pussaivladads e raschuns per gnir scuvert e preschentà.
Dapli il settember,
tar l’anniversari!
|
|
